2016-imi 1. Juulimi sanaartornermi aningaasartuutinut naleqqersuut naatsunnguamik oqaatigalugu

Sanaartornermi aningaasartuutit naleqqersuutaata Kalaallit Nunaanni inissialiornermi aningaasartuutit ineriartornerat uuttortarpaa. Naleqqersuut pingaarnertut sanaartornerup iluani aningaasap naleerukkiartornerata ineriartorneranut atorneqartarpoq, aammattaaq sanaartornermut isumaqatigiissutit naleqqussarnissaannut atorneqartarluni.

 

2016-imi juulip aallaqqaataata tungaanut atuuttut saqqummiunneqarput. Naleqqersuummik naatsorsuinermi 2013-imi juulip aallaqqaataani atuutilersumi uuttuut tunngavilerneqarpoq, inissiaq nunatsinni sanaartorneqarnerusoq aallaavigalugu.

 

Saqqummersitap sannaa

Saqqummersitami inissialiornerinnaq sammineqarpoq, tabelit saqqummiunneqartut piffissami ineriartornermut takutitsisuupput (immik. 2 aamma 3). Tassunga atatillugu nalunaarsuutit aallaaviusut periutsillu suut atorneqarsimanersut immikkoortoq 4-mi pineqassapput.

 

Kisitsisaataasivik

Suliap suunera, aningaasartuutit piffissarlu ataqatigiissaarnerisigut kisitsisaataasivimmi nammineq aalajangikkannik paasissutissanik aallersinnaavutit. Kisitsisaataasivimmi kalaallit, danskit tuluillu oqaasii atorneqarsinnaapput.